"Рома"нинг собиқ устози Даниэле де Росси Италиянинг "Женоа" клуби бош мураббийига айланади. Бу ҳақда нуфузли инсайдер Фабрицио Романо хабар бермоқда.
Манбага кўра, 42 ёшли мутахассис бугун Миланда "Женоа" раҳбарияти билан учрашиб, келишувга эришади. Аввалроқ де Росси "Рома" ва СПАЛни бошқарган, аммо ҳеч қаерда 8 ойдан ортиқ ишлай олмаган.
Ўн турдан сўнг "Женоа" Италия чемпионатининг хавфли зонасига тушиб қолди ва турнир жадвалида 18-ўринни эгаллаб турибди. Жамоа ҳисобида жами олти очко бор.
9 ноябрь куни "Женоа" ўз майдонида "Фиорентина"ни қабул қилади.













