"Астон Вилла" сафида ижара асосида тўп тепаётган "Манчестер Юнайтед" вингери Жэйдон Санчо келаси йили хориж чемпионатига кўчиб ўтиши мумкин.
"Қизил иблислар" 25 ёшли футболчига умид қилмаяпти, бу ҳақда турли манбалар бир неча бор хабар берган. "Астон Вилла" ҳам унинг ижарадаги муваффақиятсиз ўйинини инобатга олган ҳолда сотиб олишга қизиқиш билдирмайди. Журналист Экрем Конурнинг маълум қилишича, вазиятни Италиянинг "Ювентус" ва "Рома" клублари ҳамда МЛС вакиллари диққат билан кузатиб бормоқда.
Жэйдон Санчо ўтган ёзда А Серияга ўтиши мумкин эди. Инглизга ўшанда ҳам "Ювентус" ва "Рома" қизиқиш билдирган, бироқ иккала итальян клуби ҳам битимнинг молиявий шартларини ноқулай деб топган. 2026 йилнинг ёзида футболчини ўз сафига қўшиб олиш осонроқ бўлади - катта эҳтимол билан у эркин агентга айланади.
