Бугун оралиқдаги танаффусдан фойдаланиб Олий лигада вакили “Динамо”  Биринчи лигадаги вилоятдоши “Шердор” билан назорат учрашуви ўтказди. Бу ҳақда Самарқанд вилояти футбол федерацияси расмий сайти маълум қилган.   “Динамо” жамоаси бир қатор  янги футболчиларни кўрикдан ўтказиб олди.

Назорат учрашуви мақомида ўтган учрашув бўлишига қарамай ҳар икки жамоа ҳам бор кучи билан ҳаракат қилишди. Учрашувнинг дастлабки дақиқаларида “Шердор” вакиллари кўпроқ ҳужумкорроқ ўйин кўрсатиб ҳисобни очиш учун яхши имкониятга эга бўлди. Бу вазиятда Суюн Сафаралиевга озгина аниқлик етишмади.  Шундан сўнг қарши ҳужумга ўтган Олий лига вакиллари қанотдан ошириб берилган тўпни Тўлқин Мирзаев дарвозага боши билан аниқ йўллаб ҳисобни очди. 38 дақиқада Турғун Қобиловнинг кучли зарбасини дарвоза тўсини қайтариб қолди. Биринчи бўлимда бошқа ҳисоб ўзгармади.

Иккинчи бўлимда “Шердор” тўлиқ янги таркибни майдонга туширди.  Кўпроқ устунлик “Динамо” тарафига ўтди. 60 дақиқа ўтиб бораётган вақтда Владимир Киликивич  нигериялик марказий ҳимоячи Ёкуб Майзанинг оддий хатосидан ўтиб кетди ва ҳисобни 2:0 кўринишига олиб келди. 77 дақиқада Турғун Қобиловни жуда қулай тарзда еткаиб берган тўпини Қаҳрамон Баҳодиров эгаллаб олди ва икки ҳимоячини алдаб дарвозага аниқ зарба бера олди. Михайлов қийинчилик билан бартараф этди. 81 дақиқада Бобур Насимов дарвозабон билан бирга бир вазиятга чиқиб бораётганда йиқилиб тушди.

Учрашув "Динамо"нинг 2:0 ҳисобидаги ғалабаси билан якунланди.

Назорат учрашуви
Самарқанд. "Динамо" стадиони. 18.07.2013
"Динамо" - "Шердор" 2:0 (1:0)
Голлар: Тўлқин Мирзаев (10)  1-0,  Владимир Киликивич (60)  2-0
Ҳакамлар: Николай Мешков, Шерзод Камаров, Азиз Ахтамов,
"Динамо": Андрей Мельничук, Акмал Бозоров, Ахрол Рисқуллаев, Ильдар Маматказин, Ойбек Нурбоев, Темур Дадашев, Комил Шарофитдинов, Абдулла Набиев, Азамат Бобожонов, Владимир Киликивич, Тўлқин Мирзаев
Иккинчи бўлимда майдонга тушганлар: Игорь Михайлов, Аваз Агалиев, Алишер Саматов, Азамат Абдуллаев, Омад Тайлоқов, Ислом Ҳамидов, Гиоргий Адамян, Юнус Суюнов, Темур Шарипов, Бобур Насимов, Дилшод Жабборов
"Шердор": Шуҳрат Муродов, Озод Турсунов, Лазиз Абдуллаев, Элёр Элмуродов, Саддам Боймаматов, Нурбек Сафаров, Искандар Холмирзаев, Турғун Қобилов, Суюн Сафаралиев, Саънатилло Зиёев, Убайдулла Набиев
Иккинчи бўлимда майдонга тушганлар: Шоҳруҳ Салоҳиддинов (Жамшид Раҳмонов 70), Ислом Сафаров, Сайҳан Наимов, Қаҳрамон Баҳодиров, Умид Ҳотамов, Миржалол Лакаев, Шерзод Камолов, Амиржон Аминжонов, Ёкуб Майза, Ловренс Катто
Огоҳлантиришлар: Ойбек Нурбоев (25), Ахрол Рисқуллаев(35), Аваз Агалиев (55),