32 ёшли эронлик вингер Алиризо Жаҳонбахш Бельгиянинг "Дендер" клуби футболчисига айланди. Шартнома бир йилга имзоланган, эронлик эркин агент мақомида янги жамоага ўтган.
2025 йилнинг 1 июлида Алиризо эркин агент сифатида Нидерландиянинг "Херенвен" клубини тарк этди. Бунгача унинг фаолиятида Эроннинг "Дамаш", "НЕК", "АЗ Алкмаар", "Брайтон" ва "Фейеноорд" клублари бор эди.
"Дендер" Бельгия футболининг юқори дивизиони вакили ҳисобланади. Клуб турнир жадвалида 16-ўринни эгаллаб турибди ва 4 очко жамғарган.
Жаҳонбахш сардорлик қилаётган Эрон терма жамоаси 2026 йилда Канада, АҚШ ва Мексикада бўлиб ўтадиган жаҳон чемпионатига йўлланма олган.













