"Кристал Пэлас" ҳимоячиси Марк Гехи "Реал" футболчисига айланмайди. Бу ҳақда журналист Девид Орнштейн хабар бермоқда.
Манбага кўра, Гехи "Реал"га фаолиятини "Ливерпуль"да давом эттиришини айтган. Таъкидланишича, футболчи мерсисайдликларга ваъда бериб бўлган. Эслатиб ўтамиз, аввалроқ Гехи "бургутлар" билан шартномани узайтирмаслиги ва клубни тарк этиши маълум бўлганди.
Жорий мавсумда 25 ёшли ҳимоячи барча мусобақаларда 18 та учрашувда майдонга тушиб, 1 та гол урди ва 3 та ассистни ўз ҳисобига ёздириб қўйди.
Гехининг "Кристал Пэлас" билан амалдаги шартномаси 2026 йилнинг ёзигача мўлжалланган. Transfermarkt портали мутахассислари футболчининг нархини 50 миллион еврога баҳоламоқда.
