"Челси" бош мураббийи Энцо Мареска "Вулверхэмптон"га қарши ўйин олдидан журналистлар билан суҳбатлашди.
Мутахассис Англия Премьер-лигаси чемпионлик пойгаси ҳақидаги саволга жавоб берди.
"Мен буни кўп марта айтганман: апрель ёки май ойларида қандай позицияда бўлишимиз ҳақида ўйлашни ёқтирмайман.
Мен фақат эртага қандай қилиб ғалаба қозонишимиз мумкинлиги ҳақида ўйлайман.
Ҳозирда менинг ягона мақсадим шу. Агар биз бирор нарса учун курашишни истасак, фақат кейинги ўйин ҳақида ўйлашимиз керак", деди Мареска матбуот анжуманида.
