"Челси" бош мураббийи Энцо Мареска АПЛ доирасида "Вулверхэмптон"га қарши ўйин олдидан матбуот анжуманида ўз фикрларини билдириб ўтди. Мутахассис жамоанинг кадрлар ҳолати ҳақидаги саволга жавоб қайтарди. Маресканинг фикрича, Ромео Лавия шанба кунги ўйинни ўтказиб юборади, аммо Педру Нету майдонга тушиши мумкин.
"Лавиянинг жароҳати ҳақида ҳозирча ҳеч қандай хабаримиз йўқ. Текширув натижаларини бир неча соат кутишимиз керак, лекин у аниқ жароҳат олган. У оғрияпти. Кеча Педру Нету майдонда физиолог билан машғулот ўтказди - ҳаммаси яхши ўтди. У бугун гуруҳ билан машғулот ўтказишга уриниб кўради, шундан сўнг якуний қарорни қабул қиламиз", - деди Мареска.
"Челси" - "Вулверхэмптон" учрашуви 9 ноябрь куни Тошкент вақти билан соат 01:00да бошланади.
