"Комо" бош мураббийи Сеск Фабрегас Лондоннинг "Арсенал" клуби даражаси ҳақида қандай фикрда эканини айтди.
"Канонирлар" Премьер-лиганинг 10-туридан кейин 25 очко билан турнир жадвалида пешқадамлик қилмоқда ва "Манчестер Сити"ни 6 очкога ортда қолдирмоқда.
"Мен ажойиб тайёргарлик кўрган ва жуда яхши тузилган жамоани кўряпман. "Арсенал" ростан ҳам жуда кучайиб кетди. Ҳозир Эдегор йўқ, лекин Эзе бор, ҳимояда Москера, Инкапье ва Калафиори ўйнамоқда. Аста-секин улар тобора даҳшатли кучга айланиб бормоқда", - дея ўз вақтида Лондон клубида тўп тепган Фабрегаснинг сўзларини келтиради Arsenal News Channel.
Микель Артета жамоаси шанба куни "Сандерленд" меҳмони бўлади.
