"Сандерленд" ҳимоячиси Даниэль Баллард "Арсенал"га (2:2) қарши ўйиндан кейин ўз фикрини билдирди. Ушбу жангда Баллард ҳисобни очди.
"Курашаётганимизни яна бир бор кўрдингиз. Йигитлар ҳафта давомида астойдил ишлашди. Биз охиригача курашдик. Охирги дақиқаларда гол урганимиз жуда зўр. "Арсенал" бизга кўп муаммо туғдирди, ўйиннинг катта қисмини ўз жарима майдончаси атрофида ўтказдик. Стандартлардан фойдаланиш ва тўпсиз тажовузкор ҳаракат қилиш кераклигини билишарди. Биз нимагадир эриша олишимизга ишонгандик ва буни уддаладик," - деди Баррард Sky Sports нашрига.
"Сандерленд" Премьер-лига турнир жадвалида учинчи ўринда бормоқда.
