"Брентфорд" ҳужумчиси Игор Тьяго Англия Премьер-лигасининг икки клуби шорт-листида бор. Бу ҳақда Trivela хабар берди.
Миш-мишларга ишонадиган бўлсак, "Тоттенхэм" қишки трансферлар ойнаси очилишидан олдин Тьягонинг атрофидагилар билан боғланиб, унинг позициясини билиб олмоқчи. Бундан ташқари, 24 ёшли форвардга "Ньюкасл" ҳам қизиқиш билдирмоқда.
Англия Премьер-лигасининг жорий мавсумида Тьяго ўнта учрашувда қатнашиб, олти марта рақиблар дарвозасини ишғол қилган. Айни пайтда у бир неча футболчи билан тўпурарлар рўйхатида иккинчи ўринни бўлишиб турибди.
Transfermarkt портали маълумотларига кўра, Тьягонинг нархи 22 миллион еврога тенг.
