"Манчестер Сити" бош мураббийи "Ливерпуль"га қарши ўйиндан (3:0) кейин ўз фикрлари билан ўртоқлашди.
Учрашувнинг 29, 45 ва 63-дақиқаларида Эрлинг Холанд, Нико Гонсалес ва Жереми Докунинг голлари "шаҳарликлар"га ғалаба келтирди.
"Биринчи бўлим жуда яхши ўтди. Танаффусдан кейин "Ливерпуль" кўпроқ босим ўтказди. Биз бироз ўзимизни йўқотиб қўйдик, айниқса, дастлабки беш-ўн дақиқада, бу рақибларга ёрдам берди. Умуман олганда, футболчилар ўзларини ажойиб тарзда кўрсатишди. Мен жуда мамнунман," - деди Гвардиола журналистлар билан суҳбатда.
Эслатиб ўтамиз, "Ливерпуль"га қарши ўйин испаниялик мутахассиснинг мураббийлик фаолиятидаги мингинчи учрашув бўлди.
