"Бавария" президенти Герберт Хайнернинг фикрича, Томас Мюллер унинг ўрнини эгаллаши мумкин.

36 ёшли ярим ҳимоячи ҳозирда МЛСнинг "Ванкувер Уайткэпс" жамоасида тўп тепмоқда. У ўтган ёзда шартномаси якунлангач, 18 мавсумдан сўнг "Бавария"ни тарк этганди.

"У клуб фаолиятида иштирок этиши, элчи бўлиши мумкин. Ва у, албатта, менинг ўрнимга ҳам даъвогарлик қилишга ҳақли.

У клубни яхши билади. У ақлли, зийрак йигит, энди унинг халқаро тажрибаси бор.

У яна "Бавария"да, исталган лавозимда ишлай олишини истардим," - деди Хайнер Abendzeitung нашрига берган интервьюсида.

Мюллернинг ўзи ҳозирча клубга қайтиш ҳақида ўйламаяпти, деб ёзади Zeit. "Буларнинг барчаси уйдирма," - деганди у бир неча ҳафта олдин Бавария радиоси эфирида. Ҳозирча футболчи мураббийлик ёки раҳбарлик лавозимини эгаллашни хоҳлаш-хоҳламаслигини ҳал қилгани йўқ.