"Манчестер Юнайтед"да мавсум давомида янги футболчиларни таклиф қилиш истаги йўқ.
Айни пайтда клуб жароҳатлари ва бир қатор футболчиларнинг Африка Кубогига кетишига қарамай, январь ойида умуман ҳеч қандай шартнома имзолашни режалаштирмаяпти, деб хабар беради Sky Sports. "Қизил иблислар" раҳбариятининг позицияси узоқ муддатли трансфер мақсадларидан бири тўсатдан мавжуд бўлган тақдирдагина ўзгариши мумкин.
Қайд этилишича, "Манчестер Юнайтед" қисқа муддатли муаммоларни ҳал қилиш учун бозорга киришни истамаяпти.
Аввалроқ, бош мураббий Рубен Аморим бундай ёндашувга қарши чиқаётгани ҳақида хабарлар тарқалган эди. Манкунианликлар Премьер-лига 11-туридан кейин турнир жадвалида еттинчи ўринни эгаллаб турибди.
