Ҳиндистоннинг Гоа шаҳрида бўлиб ўтаётган шахмат бўйича жаҳон кубоги мусобақасида кеча 4-босқичга старт берилди.
Жавоҳир Синдаров ва Нодирбек Ёқуббоев биринчи баҳсда қора доналарда ҳаракат қилишди.
Нодирбек Якуббоев (2689) ва ҳиндистонлик Пранав Вантекаш (2641) ўртасидаги ўйинда шахматчилар деярли бехато ҳаракат қилишди. Ўйин ўрталарида компьютер кичик устунликни ҳамюртимизга берди. Аммо буни ғалабага айлантиришнинг деярли имкони йўқ эди. Боз устига, рақиб ҳам бехато ҳимояланди. 80 та юришдан кейин томонлар дурангга имзо чекди.
Жавоҳир Синдаров (2721) ва хитойлик Ю Янйи (2720) ўртасидаги ўйинда шахматчилар жуда катта аниқликда ҳаракат қилишди (98,8 ва 98,6%). Баҳс Каталон ҳимояи билан бошланди ва тез орада бир қатор алмашинувлар рўй бериши оқибатида спортчилар Эндшпилга ўтиб кетишди. Хитойлик рақиб эндшпилда битта ортиқча пиёдага эга бўлса-да, 73-юришдан кейин баҳсда дуранг қайд этилди.
Жавоҳир Синдаров - Ю Янгйи (Хитой) - 0,5 : 0,5
Нодирбек Ёқуббоев - Пранав Вантекаш (Ҳиндистон) - 0,5 : 0,5.
Ҳамюртларимиз бугун оқ доналарда ўйнашади.













