"Манчестер Сити" шарафини ҳимоя қилаётган ҳужумкор ярим ҳимоячи Жереми Доку жамоасининг жорий мавсумдаги ўйинлари ҳақида фикр билдирди.
"Биз кўп ишлаймиз ва яхшироқ бўлишни хоҳлаймиз. "Арсенал" ва бошқа рақибларни кузатмаяпмиз. Биламизки, ҳаммаси ўзимизга боғлиқ. Агар "Манчестер Сити" энг яхши ўйинини кўрсатадиган бўлса, бизга қаршилик кўрсатиш қийин бўлади," - дея бельгиялик вингернинг сўзларини келтиради "шаҳарликлар" матбуот хизмати.
Англия чемпионатининг сўнгги тур ўйинида Хосеп Гвардиола шогирдлари "Ливерпуль"ни 3:0 ҳисобида мағлуб этди. Жамоа 22 очко билан АПЛ жадвалида 2-ўринни эгаллаб турибди.
