Бразилия терма жамоаси бош мураббийи Карло Анчелотти "Реал" бошқарувига иккинчи бор тайинланган вақтини ёдга олди.
"Реал Мадрид"га иккинчи бор мураббий бўлганимда омадим келди - мен худбинликсиз жамоани топдим. У ерда Модрич, Каземиро, Кроос, Карвахал, Бензема каби ажойиб футболчилар бор эди, аммо ҳеч қандай манманлик кўринмасди. Биз тажрибали ўйинчилар билан Винисиус, Родриго, Вальверде, Камавинга сингари ёш футболчилар ўртасида ажойиб муносабатлар ўрнатишга эришдик. Клуб ҳам ўз ҳиссасини қўшиб, Беллингем, Гюлер ва Эндрикни сотиб олди", - деди 66 ёшли италиялик мутахассис.
Карло "Реал" бошқарувида 2013-2015 ва 2021-2025 йиллар давомида ишлаган.













