"Бавария" вингерига "Ливерпуль" ва "Ювентус" клублари қизиқиш билдирмоқда. Мерсисайд ва Турин грандларига Серж Гнабри қизиқ. Бу ҳақда La Gazzetta dello Sport’га таяниб, Transfer News Live хабар берди.

Гнабри билан келаси ёзда эркин агент сифатида шартнома имзолаш мумкин, чунки 30 ёшли футболчининг "Бавария" билан амалдаги шартномаси мавсум охиригача мўлжалланган.

Шу билан бирга, Гнабри учун курашда "Ювентус"га "Ливерпуль" билан рақобатлашиш қийин бўлиши таъкидланмоқда, чунки мерсисайдликларнинг молиявий имкониятлари юқорироқ.

2025/2026 йилги мавсумда Серж Гнабри 15 та ўйинда майдонга тушиб, тўртта гол урди ва шерикларига тўртта голли узатмани амалга оширди.