"Милан" Роберт Левандовски билан эҳтимолий шартномага қизиқиш билдираётгани ҳақида хабар берган эдик. Аммо вазиятнинг кейинги ривожи "Милан" ёки "Барселона"дан кўра кўпроқ Робертнинг ўзига боғлиқ.

Италиянинг Tuttosport нашри хабарига кўра, Левандовскида каталонияликлар билан қўшимча келишув бор - у 2026 йилнинг ёзида тугайдиган 2022 йилдаги тўрт йиллик шартномасидан ташқари, истаса яна бир йил қолиши мумкин.

Массимилиано Аллегри рақиб жарима майдонида ўйнаганда ҳимоячиларни "ўлдирадиган" футболчига жуда муҳтож - "Милан"да Оливье Жиру каби. Левандовски эса бундай ўйинга муносиб фигура.