Италия терма жамоаси бош мураббийи Женнаро Гаттузо Молдова устидан қозонилган ғалабадан сўнг интервью берди.
Пайшанба куни ЖЧ-2026 саралаши доирасида бўлиб ўтган учрашув "скуадра адзурра"нинг 2:0 ҳисобидаги ғалабаси билан якунланди. Меҳмонлар фақат 88-дақиқада рақиб дарвозасини ишғол қилишга муваффақ бўлишди, иккинчи тўп эса 92-дақиқада киритилди.
"Ўйин яхши эмас? Бу билан нима демоқчисиз? Жамоа устунлик қилди, бирор марта рақибга аниқ зарба беришга имкон бермадик. Агар Молдова Норвегия билан ўйиндагидек 1:11 ҳисобида ютқазишини кутган бўлсангиз, бу менинг муаммоларим эмас. Осон ўйинлар бўлмайди.
Биз бутун таркибни ўзгартирдик ва шунча ўзгаришлар туфайли ютқазишимиз ҳам мумкинлигини ҳис қилдим. Футболчилар олдида шляпамни ечаман," - деди Гаттузо RAI Sport нашрига берган интервьюсида.
