Мадриднинг "Реал" клуби вингери Винисиус Жуниор 2026 йилнинг ёзида сотиб юборилиши мумкин. "Қаймоқранглилар" раҳбарияти 25 ёшли бразилиялик билан янги шартнома шартлари бўйича келиша олмаяпти, шунинг учун тез орада хайрлашув сценарийси жуда реал кўринади. Агар Fichajes'га ишонадиган бўлсак, "Челси" Винисиусни сотиб олиш ҳақида ўйламоқда ва унга тахминан 150 млн евро таклиф қилишлари мумкин. Трансфер Лондон клуби тарихидаги энг қиммат трансферга айланади.
"Кўклар" босслари ҳужумда Винисиус, Жоао Педро ва Эстеваодан иборат бразилиялик учликни кўришни исташмоқда. Педро ва Эстевао жорий йилнинг ёзидан буён жамоа шарафини ҳимоя қилиб келмоқда.
