Каталониянинг "Барселона" клуби ва Англия терма жамоасининг собиқ футболчиси Гари Линекер барча даврларнинг энг яхши футболчисини эътироф этди.
"Роналду ва Месси ўзаро рақобат давомида жуда кўп нарсага эришди. Тарихдаги энг зўри деб Леони биламан. У ҳаммасини ютди ва ҳамон майдонда фантастик нарсалар яратмоқда. Бироқ Роналду ҳам буюк, у ажойиб тўпурар," - дея британияликнинг сўзларини келтиради Diario Sport.
МЛСнинг мунтазам мавсумида 38 ёшли Месси 31 та ўйин ўтказиб, 34 та гол урди ва 17 та голли узатмани амалга оширди.













