Германиялик футболчи Карим Адейеми жиддий можаро марказида қолди. "Боруссия Дортмунд" вингер ўқотар қуролни ноқонуний сақлашда айбланган ва шанба куни судга чақирилган.

Бир кун аввал Германия терма жамоаси Ник Вольтемаденинг дубли эвазига Люксембургни 2:0 ҳисобида мағлуб этганди. Икки сариқ карточкадан сўнг дисквалификация туфайли ўйинни ўтказиб юборган Адейемининг ўзи ўйинни трибунадан кузатиб борди.

Bild хабарига кўра, иш ўтган йилдан бери давом этмоқда. Тинтув чоғида полиция футболчининг уйидан кастет ва электрошокерни мусодара қилди, бу ноқонуний қурол сақлаш сифатида баҳоланади. Адвокатлар айбловларга эътироз билдиришга ҳаракат қилишди, аммо оқлашга эришолмаган.

Фақат жазонинг оғир-енгиллигини аниқлаш қолганди - Адейеми ҳатто қамоққа олиниши ҳам мумкин эди. Охир-оқибат, суд уни 450,000 евро миқдорида жаримага ҳукм қилди, у ҳар бири 7,500 евродан бўлган 60 та тўловга бўлинган.

Адейеми жорий мавсум 14 та ўйинда майдонга тушиб, 3 та гол урди ва 3 та голли узатмани амалга оширди.