Хорватия терма жамоаси бош мураббийи Златко Далич Черногория билан жаҳон чемпионати саралашининг сўнгги ўйини олдидан ўз фикрларини билдириб ўтди.
Ўйин 17 ноябрь куни бўлиб ўтади ва Тошкент вақти билан 00:45 да бошланади.
Хорватлар Фарер ороллари устидан қозонилган ғалабадан сўнг ЖЧ йўлланмасини нақд қилган эди.
"Биз жаҳон чемпионатига йўлланмани қўлга киритдик ва буни нишонладик. Олдинда бизни қийин ўйин ва мотивацияли рақиб кутмоқда. Ҳозирча энг яхши квалификацияни ўтказишни истаймиз. Биз ғалаба қозонишни истаймиз, максимал мотивация билан борамиз," - дея Даличнинг сўзларини келтиради Хорватия футбол иттифоқи расмий сайти.
"Бошқа футболчиларга имконият берамиз, аммо Лука Модрич ўйнашига ваъда беришим мумкин. Черногория жамоатчилиги Модрични кўришга лойиқ. Лука албатта ўйнайди," - деди Далич.
Хорватия 19 очко, Чехия 13 очко, Фарер 12 очко, Черногория 9 очко, Гибралтар 0 очко жамғарган.













