"Манчестер Юнайтед" форварди Беньямин Шешко жароҳат туфайли тахминан бир ойга сафдан чиқди.
Футболчи 8 ноябрь куни АПЛ доирасида "Тоттенхэм"га (2:2) қарши баҳсда жароҳат олганди. У 60-дақиқада захирадан майдонга тушди, аммо ўйин тугашига оз вақт қолганида тиззасидаги оғриқ туфайли майдонни тарк этишга мажбур бўлди.
Sky Sports хабарига кўра, текширув натижасида жиддий шикастланишнинг олди олинган. Шунга қарамай, ҳужумчига тахминан тўрт ҳафта пауза керак бўлади.
Шешко "МЮ"га ўтган ёзда "РБ Лейпциг"дан беш йиллик меҳнат шартномаси асосида ўтган эди.
