Мадриднинг "Реал" клуби футболчиси Родриго ўйин амалиёти етишмаслиги сабабли жамоани тарк этиши мумкин. Бразилиялик футболчи "қаймоқранглилар"нинг ҳозирги устози Хаби Алонсо қўл остида жуда камдан-кам ҳолларда асосий таркибда майдонга тушади.
Diario AS хабарига кўра, вазиятни "Галатасарой" кузатиб бормоқда. Турк клуби қишки трансферлар вақтида 24 ёшли юлдуз вингерни ижарага олиш ҳақида ўйламоқда. Родригонинг нархи машҳур Transfermarkt сайти талқинига кўра 80 млн еврони ташкил этади.
Жорий мавсумда футболчи "Реал"нинг барча мусобақалардаги 13 та ўйинида қатнашиб, 2 та голли узатмани амалга оширди. Ёзда "Сантос" тарбияланувчисига қизиқиш Англия Премьер-лигаси грандлари томонидан билдирилган эди.
