«Бенфика» ва Норвегия терма жамоаси қанот вингери Андреас Скьельдеруп 18 ёшдан кичиклар иштирок этган порнографик видеони юборгани учун шартли равишда 14 кун қамоқ жазосига маҳкум қилинди, деб хабар беради VG.
Аввалроқ маълум бўлишича, норвегиялик 19 ёшида бўлганида дўстларига 18 ёшдан кичиклар иштирок этган порнографик видеони юборган. Ўша вақтда у Даниянинг «Нордшелланд» жамоасида ўйнаган.
Футболчига Дания қонунчилиги 235-моддаси бўйича айблов қўйилган: бу модда 18 ёшдан кичик шахслар тасвирланган очиқ жинсий характердаги фото ёки видеоларни сақлаш ёки тарқатишга нисбатан қўлланилади.
Манбага кўра, Копенгаген судида прокурор футболчининг қамоқда жазо ўташини талаб қилган, яъни шартли жазо эмас, балки ҳақиқий қамоқ жазоси.
Охирида суд шартли равишда 14 кун қамоқ жазосини тайинлаган. Андреасга бир йиллик синов муддати белгиланади, аммо у жамоат ишларига маҳкум қилинмайди.
