Мадриднинг "Реал" клуби дарвозабони Тибо Куртуа бош мураббий Хаби Алонсонинг баъзи футболчилар билан боғлиқ муаммолари ҳақидаги саволга жавоб берди.
Испаниялик мутахассис Винисиус Жуниор ва "қаймоқранглилар"нинг бошқа бир қатор футболчилари билан яхши муносабатда эмаслиги айтилмоқда.
"Хаби билан муносабат? Ҳаммаси яхши. Кийиниш хонасида ўйин вақти етишмаслигидан норози одамлар ҳар доим топилади. Жамоамизда барча масалалар юзма-юз суҳбатда ҳал қилинади," - дея Куртуанинг сўзларини келтиради Madrid Universal.
Хаби Алонсо ёз бошида Бразилия терма жамоасига кетган Карло Анчелотти ўрнига "Реал" бош мураббийи лавозимини эгаллаганди.
