"Бавария"нинг машҳур собиқ футболчиси Филипп Лам Йозуа Киммих учун оптимал позиция ҳақида гапирди.
30 ёшли немис Мюнхен клубида майдон марказида ўйнайди, миллий терма жамоада эса кўпроқ ўнг қанот ҳимоясида ҳаракат қилади.
"Йозуа иккала позицияда ҳам ажойиб ўйнай олишини исботлади. Кўп нарса унинг атрофида кимлар борлигига ҳам боғлиқ. Тўғрисини айтсам, мен уни кўпроқ "саккизлик" позицияси футболчиси сифатида кўраман, унинг ёнида ҳимоячи ўйнаши керак. Киммихни мураббийлар ўрнида бўлганимда айнан шундай жойлаштирган бўлардим," - дея Ламнинг сўзларини келтиради Sport1.
