"Барселона"нинг собиқ футболчиси Жорди Альба Лионель Месси билан ҳеч қачон унинг клубдан кетишини муҳокама қилмаганини тан олди.

"Мен ҳеч қачон Мессидан "Барселона"дан кетганидан кейин ўзини қандай ҳис қилганини сўрамаганман. Мен ундан сўрамадим, у эса менга айтмади. Унга қийин бўлди деб ўйлайман, лекин унга ҳурмат бажо келтириш жуда яхши бўларди деб ўйлайман. Буни "Барса"нинг ҳар бир мухлиси кутмоқда," - дея Альбанинг сўзларини келтиради Barca Universal.

Месси 2000-2021 йилларда "Барселона" шарафини ҳимоя қилган. У асосий жамоа сафида 778 та ўйинда майдонга тушиб, 672 та гол урган ва 303 та голли узатмани амалга оширган.