Мадриднинг "Атлетико" клуби франциялик ҳужумчиси Антуан Гризманн "матрасчилар" олдида ушбу мавсум якунлари бўйича требл - Ла Лига, Испания Кубоги ва Европа Чемпионлар Лигасида ғалаба қозониш мақсади турганини айтди.
"Мақсад? Чемпионлик унвони, Чемпионлар лигаси, кубокни қўлга киритиш. Ҳали қилинадиган ишлар кўп ва мен мухлислар ҳамда жамоадошларимни хурсанд қилишда давом этмоқчиман", - дея Гризманнинг сўзларини келтиради RMC Sport нашри.
Маълумот учун, "Атлетико" айни дамда Ла Лига турнир жадвалида пешқадам "Реал"дан 6 очко ортда қолиб, 4-ўринда бормоқда. Чемпионлар лигаси умумий босқич жадвалида "матрасчилар" 17-ўринни эгаллаб турибди.
