"Барселона" вингери Ламин Ямал жамоавий ва индивидуал муваффақиятдан бирини танлай олмади. 18 ёшли футболчи "Олтин тўп" соҳибига айланиши, шунингдек, "кўк-анорранглилар" билан Ла Лига ва Чемпионлар Лигасида, Испания терма жамоаси билан жаҳон чемпионатида ғолиб чиқиши мумкинлигини айтди.
"Мен 2026 йилда барчасини бирданига ютиб олишни хоҳлайман ва бунинг иложи борлигини биламан," - деди Каталония грандининг ёш юлдузи.
Эслатиб ўтамиз, жорий йилда Ламин Ямал "Олтин тўп" сўровномасида "ПСЖ" вакили Усмон Дембеледан кейин иккинчи ўринни эгаллаган эди. Ханс-Дитер Флик жамоаси Ла Лигада зафар қучган бўлса, Чемпионлар Лигасида ярим финалгача етиб борди.
