"Манчестер Сити" клуби "Ньюкасл" ҳимоячиси Валентино Ливраментога қизиқиш билдирмоқда, дея хабар бермоқда TEAMTalk.
Манбага кўра, "Сити" 23 ёшли инглизни қишда ўз сафига қўшиб олишга ҳаракат қилади. Манчестерликлар пулдан ташқари, келишувга дарвозабон Жеймс Траффордни ҳам қўшишга тайёр. Қайд этилишича, 23 ёшли посбонга "Ньюкасл" қизиқиш билдирмоқда.
Бу мавсумда Ливраменто барча мусобақаларда 8 та ўйин ўтказиб, 1 та голли узатмани амалга оширган. Унинг клуб билан шартномаси 2028 йилнинг июнь ойи охиригача мўлжалланган. Transfermarkt портали футболчининг нархини 40 миллион еврога баҳоламоқда.
