"Барселона" вингери Ламин Ямал Ла Лиганинг ўтган мавсумдаги энг яхши футболчиси бўлганига муносабат билдирди.
"Ҳар бир индивидуал мукофот бу жамоанинг ажойиб мавсум ўтказганидан далолат. Бундай ёшда бу қадар кўп мукофотлар олиш, мен учун катта бахт ва фахр. Мен яна кўпроқ ютуқлар учун ишлашда давом этаман.
Мухлислар жуда катта роль ўйнашади. Биз ўз уйимиз бўлмаган стадионда ўйнадик. "Монжуик" яхши эди, лекин бу биз хоҳлаган нарса эмасди. "Камп Ноу" эса бизга улкан куч беради. Мавсумнинг қолган қисми учун жуда катта ёрдам бўлади", - деди 18 ёшли футболчи.
