"Ливерпуль" футболчиси Федерико Кьезани жамоадан кетиши ҳақида янгиликлар чиқишда давом этмоқда. Миш-мишларга кўра, январь ойидаёқ "қизиллар" Италия ва Англия клубларидан вингерни ижарага олиш бўйича таклиф олиши мумкин. Шунга қарамай, инсайдер Фабрицио Романонинг маълум қилишича, Кьезанинг ўзи айни дамда қолишни режалаштирмоқда. Бироқ, манба аниқлик киритишича, 28 ёшли футболчининг режалари ўйин амалиёти бўлмаганда, шунингдек, жамоага янги ҳужумкор ўйинчи - масалан, "Борнмут"дан Антуан Семеньо келганда ўзгариши мумкин.

Якуний қарор январь ойида қишки трансфер ойнаси ёпилишига яқин қабул қилинади. Ҳозирча Кьеза "қизиллар" асосий таркиби учун курашни давом эттирмоқчи.