Лондоннинг "Арсенал" клуби собиқ футболчиси Пол Мерсон норвегиялик ҳужумчи Эрлинг Холанднинг келаси йили "Олтин тўп" соҳиби бўлиш имкониятлари ҳақида гапирди.
"Холанд тўп-тўп қилиб гол уришда давом этмоқда. Аммо бу "Олтин тўп" учун етарлими? Ўйламайман. Қанча гол урганингнинг фарқи йўқ, барчаси Чемпионлар Лигасидаги иштирокингга боғлиқ. Агар "шаҳарликлар" ушбу совринни қўлга киритса, унда Эрлингнинг имкониятлари юқори бўлади", - дея мутахассиснинг сўзларини келтиради Sportskeeda.
Англия премьер-лигасининг жорий мавсумида 25 ёшли скандинавиялик футболчи "Манчестер Сити" сафида 11 та ўйинда майдонга тушди. Ҳужумчи ўз ҳисобига 14 та гол ёздириб қўйди.
