Португалия терма жамоаси ва Франциянинг "ПСЖ" клуби ярим ҳимоячиси Витинья фаолиятини Испания чемпионатида давом эттириши мумкин. Бу ҳақда Fichajes нашри журналистлари хабар бермоқда.
Манбага кўра, ҳимоячининг трансферига Мадриднинг "Реал" клуби қизиқиш билдирмоқда. "Қироллик клуби" босслари футболчи учун тахминан 150 миллион евро таклиф қилишга тайёр. "Қаймоқранглилар" Витинья орқали жамоа ярим ҳимоясини жиддий кучайишни истамоқда.
Эслатиб ўтамиз, португалиялик "Олтин тўп-2025" рейтингида учинчи бўлди.
Витиньянинг "ПСЖ" билан амалдаги меҳнат шартномаси 2029 йилнинг ёзида якунига етади. Унинг бозор нархи 90 млн еврони ташкил этади.
