Лондоннинг "Арсенал" клуби афсонавий собиқ футболчиси Тьерри Анри "Тоттенхэм"га (4:1) қарши ўйиндан кейин жамоанинг келажаги ҳақида фикр билдирди.

Микель Артета жамоаси Премьер-лига турнир жадвалида таъқибчилардан орадаги фарқни 6 очкога етказди.

"Ҳаммаси шу ерда ва ҳозир содир бўлмоқда - гап илгари айтилган жараёнга ишонишда эмас. Бизда энг яхши таркиб бор, "Арсенал"нинг лигада ғалаба қозонишига ишонч ҳосил қилишимиз керак. Ўзимизни фаворит деб ҳисоблашимиз керак", - деди Анри финал ҳуштагидан кейин Sky билан суҳбатда.

"Канонирлар" кейинги турда 2-ўриндаги "Челси"га қарши майдонга тушса, ундан олдин Чемпионлар лигасида "Бавария" билан куч синашади.