Италия чемпионатининг 12-туридан ўрин олган марказий ўйинда "Милан" жорий мавсумда тўртинчи мағлубиятини қабул қилиб олган "Интер"ни мағлуб этди. "Милан"нинг бельгиялик ярим ҳимоячиси Алексис Салемакерс ўйин натижасидан мамнун ва жамоа билан фахрланишини яширмаяпти.
"Мен бу жамоа билан фахрланаман. Биз ақл бовар қилмайдиган иш қилдик. Ҳақиқий жамоа каби аҳил. Қувончда ҳам, қайғуда ҳам. Тифозини хурсанд қилдик. Буни давом эттиришга ҳаракат қиламиз", - дея Салемакерснинг сўзларини келтиради pianetamilan.it.
Италия чемпионатининг навбатдаги турида "Милан" ўз майдонида Римнинг "Лацио" клубига қарши баҳс олиб боради.
