Лондоннинг "Арсенал" клуби Англия Премьер-лигаси турнир жадвалида яққол пешқадамлик қилмоқда.

Якшанба куни "канонирлар" "Тоттенхэм"ни тор-мор этиб (4:1), асосий таъқибчиси "Челси" билан орадаги фарқни 6 очкога етказишди. Opta суперкомпьютерининг ҳисоб-китобларига кўра, Микель Артета жамоасининг узоқ кутилган чемпионлик унвони учун имкониятлари энди 75,56 фоизга баҳоланмоқда. Иккинчи фаворит - "Манчестер Сити" (14,3%), учинчи - "Челси" (3,88%). "Ливерпуль"нинг олтинни ҳимоя қилиш имконияти жуда паст - атиги 2,13 фоиз.

Келаси якшанба, 30 ноябрь куни "Арсенал" сафарда "Челси" меҳмони бўлади. "Тўпчилар" 2004 йилдан бери Англия чемпиони бўлишмаган.