"Манчестер Юнайтед"нинг чап қанот ҳимоячиси Диего Леон қишки трансферлар даврида ижарага кетиши мумкин.
18 ёшли футболчи "қизил иблислар"нинг асосий жамоасида ўйин амалиётига эга бўлмаяпти. Журналист Уриэл Лигт хабарига кўра, манкунианликлар раҳбарияти агар таклиф тушса, январь ойида ёш парагвайликни ижарага бериш вариантларини кўриб чиқишга тайёр. Клубда истиқболли қанот ҳимоячиси тажриба тўплашини хоҳлашади.
Диего Леон "Манчестер Юнайтед"га жорий йилнинг ёзида Парагвайнинг "Серро Портьено" клубидан 4 млн евро эвазига кўчиб ўтган эди. Нуфузли Transfermarkt портали футболчининг нархини 4 миллион еврога баҳоламоқда.
