Sport24 нашрига маълум бўлишича, "Пахтакор" ва Ўзбекистон миллий жамоаси ҳужумчиси Игорь Сергеев қишда эркин агент сифатида "Крилья Советов"га ўтишга яқин турибди.
Томонлар футболчининг шахсий шартномаси шартларини муҳокама қилмоқда ва келишувга эришишга яқин турибди.
Сергеев жорий мавсум Ўзбекистон чемпионатида 28 та ўйинда майдонга тушиб, 19 та гол урди. Чемпионат якунига бир тур қолганида у турнирнинг энг яхши тўпурари ҳисобланади. "Пахтакор" жадвалда иккинчи ўринни эгаллаб турибди - аввалроқ "Нефтчи" муддатидан олдин мамлакат чемпиони бўлганди.
32 ёшли Сергеев Ўзбекистон терма жамоаси сафида 81 та ўйинда 24 та гол урган.
