"Бетис" ҳужумкор ярим ҳимоячиси Антони Испания Ла Лигасининг 13-туридан ўрин олган "Жирона"га қарши ўйинда қизил карточка олгани учун мухлислардан узр сўради.
"Қизил карточка олганимдан афсусдаман. Мен шунчаки жамоамнинг ғалаба қозонишига ёрдам бермоқчи эдим. Мутлақо бехосдан қилинган қадам... мени ҳар доим қўллаб-қувватлаб келган барча мухлислардан узр сўрайман," - деб ёзди Антони ижтимоий тармоқдаги саҳифасида.
Бразилиялик футболчи ўйин охирида четлатилди. Антони 89-дақиқада акробатик усулда зарба бермоқчи бўлди, бироқ оёғи билан Хоэль Рокенинг юзига тепиб юборди. Бош ҳакам Йосу Галек Апестегия VAR ёрдами билан вингерни майдондан четлатди.
