Мадриднинг "Реал" клуби Ла Лигада мавсум фаворити бўлиб қолмоқда, аммо "Барселона" аста-секин "қаймоқранглилар"га яқинлашмоқда. Opta суперкомпьютерининг янги прогнози шундан далолат беради.
Испания чемпионатининг 13-турида "бланкос" кутилмаганда "Эльче" билан дуранг ўйнади - 2:2. Каталонияликлар эса жавобсиз тўртта тўп киритиб, "Атлетик"ни тор-мор этди.
"Реал" 47,76 фоизлик чемпионлик эҳтимоли билан Ла Лига мавсумининг фаворити бўлиб қолмоқда. Аммо "Барселона" 40,11 фоизлик кўрсаткич билан бироз ортда қолмоқда.
Мадрид ва Каталония клублари Испаниядаги чемпионлик пойгасининг асосий иштирокчилари бўлиши кутилмоқда. Рейтингда кейинги ўринда бораётган "Атлетико"нинг ғалаба қозониш эҳтимоли атиги 9,48 фоизга тенг.
