Луис Энрике Париж клубидаги 500-ўйинини ўтказиши мумкин бўлган ҳимоячи Маркиньос ҳақида гапирди.
Мураббийнинг таъкидлашича, бундай кўрсаткич футболчининг ажойиб барқарорлиги ва профессионаллигидан далолат беради.
"Бу ақл бовар қилмайдиган рақам. Бу унинг ўзи ва барча футболчилар учун жуда муҳим. Бундай ёрқин фаолиятга эга футболчини кўриш ажойиб. У ўзига хос ўйинчи, ҳақиқий етакчи. У биз учун жуда муҳим ва умид қиламанки, у биз билан яна кўп йиллар қолади", - деди Энрике.
Эслатиб ўтамиз, 26 ноябрь куни "ПСЖ" Чемпионлар лигаси умумий босқич 5-туридан ўрин олган "Тоттенхэм"га қарши баҳс олиб боради.
