"Манчестер Юнайтед" "Вулверхэмптон" футболчиси Жоао Гомесни кузатишда давом этмоқда. Бу ҳақда Manchester Evening News хабар бермоқда.
Британиянинг бошқа ОАВлари берган маълумотларга кўра, "бўрилар" мавсум ўртасида ярим ҳимоячи билан хайрлашмоқчи эмас, аммо бразилияликнинг ўзи манчестерликларнинг еврокубокларда иштирок этмаётганига қарамай, трансферга қизиқиш билдирмоқда.
Эслатиб ўтамиз, Гомес ҳар доим ҳам "Манчестер Юнайтед"га ўтишни орзу қилмаган. 2022 йилда, "Вулверхэмптон"га ўтишдан олдин, ярим ҳимоячи "Ливерпуль"га ўтишни ният қилган эди, бу ҳақда у интервьюда айтиб ўтди.
Transfermarkt портали томонидан 40 миллион еврога баҳоланган 24 ёшли футболчи жорий мавсум 15 та ўйинда майдонга тушиб, 1 та голли узатма ва 5 та огоҳлантириш олди. Унинг ҳозирги клуби лигада жон сақлаб қолиш учун курашмоқда.
