"Manchester Yunayted" "Vulverxempton" futbolchisi Joao Gomesni kuzatishda davom etmoqda. Bu haqda Manchester Evening News xabar bermoqda.

Britaniyaning boshqa OAVlari bergan ma’lumotlarga ko‘ra, "bo‘rilar" mavsum o‘rtasida yarim himoyachi bilan xayrlashmoqchi emas, ammo braziliyalikning o‘zi manchesterliklarning yevrokuboklarda ishtirok etmayotganiga qaramay, transferga qiziqish bildirmoqda.

Eslatib o‘tamiz, Gomes har doim ham "Manchester Yunayted"ga o‘tishni orzu qilmagan. 2022 yilda, "Vulverxempton"ga o‘tishdan oldin, yarim himoyachi "Liverpul"ga o‘tishni niyat qilgan edi, bu haqda u intervyuda aytib o‘tdi.

Transfermarkt portali tomonidan 40 million yevroga baholangan 24 yoshli futbolchi joriy mavsum 15 ta o‘yinda maydonga tushib, 1 ta golli uzatma va 5 ta ogohlantirish oldi. Uning hozirgi klubi ligada jon saqlab qolish uchun kurashmoqda.