Италиянинг "Милан" клуби собиқ сардори Риккардо Монтоливо мавсумлар оралиғида мураббий ўзгарган Миланнинг "Интер" клубидаги вазиятга муносабат билдирди. Монтоливонинг фикрича, Кристиан Киву "Интер"ни ислоҳ қилиш ва ёшартиришда етакчи бўлиши мумкин.
"Мен аниқ ғояларга эга бўлган, кийиниш хонасидаги вазиятни бошқарадиган ва жамоа манфаати учун мустақил қарор қабул қиладиган мураббийни кўряпман. Ўйлайманки, у "Интер"ни ёшартириш жараёнини бошлайди", - дея Монтеливонинг сўзларини келтиради fcinter1908.it.
Эслатиб ўтамиз, Миланнинг "Интер" клуби Италиянинг амалдаги вице-чемпиони ҳисобланади.
