Франциялик ҳимоячи Кастелло Лукеба "РБ Лейпциг"даги келажаги ҳақида маълумот берди. Бу ҳақда инсайдер Филипп Хинсе ёзмоқда.
Қайд этилишича, футболчи клубини ўзгартиришга тайёр. Футболчи "фаолиятидаги навбатдаги қадам"ни қўймоқчи. Келаси йили Лукебанинг "РБ Лейпциг" билан шартномасида 80 миллион евро миқдорида сотиб олиш банди амал қилади.
ОАВ маълумотига кўра, ҳимоячига "Бавария," "Ливерпуль" ва "Реал" қизиқмоқда. Умуман олганда, Кастелло Лукеба "РБ Лейпциг" сафида 83 та ўйин ўтказган. Уларда футболчи иккита гол урди ва битта голли узатмани амалга оширди.
