"Уотфорд" ҳужумчиси Рокко Вата Англия Премьер-лигасининг икки клуби шорт-листида бор.
Mail Sport нашри тарқатган хабарга кўра 20 ёшли ирландиялик футболчининг хизматларига "Кристал Пэлас" ва "Фулхэм" клублари қизиқиш билдирмоқда. "Уотфорд" 23 миллион евро атрофида таклиф олса, футболчини қўйиб юборишга тайёр.
Жорий мавсумда Вата барча турнирларда ўнта учрашувда қатнашиб, иккита гол урди ва иккита ассистни ўз ҳисобига ёздириб қўйди.
Ҳужумчининг "Уотфорд" билан шартномаси 2028 йилгача мўлжалланган. Футболчининг бозор нархи машҳур Transfermarkt портали маълумотларига кўра, 1,8 млн еврони ташкил этади.
