"Манчестер Сити" бу мавсумда жамоа голларининг катта қисмини Эрлинг Холанд ураётганидан хавотирда. "Шаҳарликлар" норвегиялик тўпурарга тушадиган юкламани камайтирмоқчи ва янги ҳужумчи Антуан Семеньони сотиб олиш ҳақида ўйламоқда. Бу ҳақда The Times ўз саҳифаларида ёзмоқда.
Битим қишки трансфер ойнасидаёқ расмийлаштирилиши мумкин. 25 ёшли Семеньонинг "Борнмут" билан шартномасида уни 65 миллион фунт (тахминан 74 миллион евро) эвазига сотиб олиш банди кўрсатилган.
2025/26-йилги мавсумда Антуан Семеньо 13 та ўйинда майдонга тушиб, олтита гол урди ва шерикларига учта голли узатмани амалга оширди.
